Katawan ng 2 manggagawa nahukay sa landslide sa Bohol

NAREKOBER na ang dalawang manggagawang nalibing ng buhay matapos ang nangyaring landslide sa isang quarry site sa paanan ng bundok sa Sitio San Isidro sa Barangay Candabong,Anda, Bohol.

Unang natagpuan ang bangkay ni Ariel Abac, 32 ganap na alas-11 ng umaga, samantalang nahukay naman ang mga labi ni Valeriano Galeyo makalipas ang isang oras.
Sinabi ng misis ni Abac na si KC, na natawagan pa niya ang cellphone ng mister noong Martes, 12 oras matapos ang nangyaring landslide noong Lunes ng hapon.

“I was still hoping that he was alive. His three children were waiting for him,” sabi ni KC, 25.

Sinabi ng bayaw ni Abac na si Ramon Peñaranda na nasa quarry site ang mga biktima para manguha ng anapog (limestone).