PUMANAW na ang anak ni Comedy King Dolphy na si Geraldino “Dino” Quizon. Siya ay 45 years old.
Si Dino ay anak ni Mang Pidol sa dating nakarelasyong si Gloria Smith. Hindi idinetalye ng pamilya kung ano ang ikinamatay ni Dino.
Kung matatandaan, naging bahagi rin ng showbiz si Dino, nakasama siya sa ilang pelikulang ginawa ng kanyang tatay na yumao naman noong Hulyo 2012.
Sa kanyang Instagram, ipinost ng anak ni Dolphy na sina Zia at Nicole Quizon ang pagpanaw ng kanilang kapatid sa ama. Sina Zia at Nicole ay anak nina Zsa Zsa Padilla at Mang Pidol.
Caption ni Zia sa IG photo ng Comedy King kasama si Dino, “Goodbye, Kuya Dino. I still can’t believe you’re gone. You were still so young and had so much living left to do. And you were so full of life. And love. And laughter. I hope you find peace. I hope you and Papa find solace in each other’s arms. We know you missed him dearly. And now we’ll all miss you.”
Ito naman ang ipinost ni Nicole (@cocoquizon) sa kanyang IG, “I can’t believe that the last time I saw you may jawline pa ako. And I can’t believe that would be the very last time. Will always miss you, Kuya Dino. Our sibling barangay will be a little less crazy and a little less funny without you. Rest in Power.”
Kung susumahin, 18 ang naging anak ni Dolphy sa anim na babaeng kanyang minahal.