Larawan mula sa Instagram/ @iyavillania
BUNTIS na uli ang Kapuso TV host-actress na si Iya Villania sa ikalawang baby nila ni Drew Arellano.
Sa kanilang Instagram accounts, ibinalita nila ang nasabing good news sa kanilang followers. Nitong nagdaang weekend, ginanap ang gender reveal party para sa anak ng mag-asawa sa Avant Garde Crossfit sa Mandaluyong.
Post ni Iya sa IG, “It’s ROUND 2 for Team A. Find out…#InTheOpen #GenderReveal #Crossfit #18.1 #18.1+1.”
Sa IG post naman ni Drew, kinumpirma nito na baby boy uli ang ipinagbubuntis ni Iya.
Aniya, “Boy oh boy Oh boy! Another awesome #genderreveal made possible again by @hannah_olives and @javyo! Organizing, documenting and editing all done by the Olives’! Mwaaaah!
“Big thanks to @anton7reales of @avantgardecrossfit for letting us thrash the box with blue powder! #18.1 #18.1+1,” dagdag pa ni Drew.
Ang panganay na anak nina Iya at Drew na si Antonio Primo ay ipinanganak noong Aug. 30, 2016. Congrats, Iya and Drew!