Ayon sa Department of Foreign Affairs (DFA), wala natatanggap na ulat ang Philippine Embassy sa Washington, D.C. na may na Filipino na kabilang sa mga nasawi o nasugatan sa nangyaring pamamaril sa Marjory Stoneman Douglas High School.
“We are deeply saddened over the loss of so many young lives in this shooting incident in Parkland, Florida,” ani DFA Secretary Alan Peter Cayetano. “Our hearts reach out to the families of those who lost their lives in this horrible tragedy.”
Ayon sa CNN, bigla na lamang pumasok sa paaralan ang isang dating estudyante na armado ng AR-15 high-powered assault rifle at pinagbabaril ang mga guro at mag-aaral na makasalubong.
Napatay ng suspek na si Nikolas Cruz, 19, ang 17 katao at nasugatan ang hindi pa mabilang na iba pa.
Sinabi ni Philippine Ambassador to the US Jose Manuel Romualdez na kinukonsidera ang insidente bilang “one of the worst school mass shooting incidents in US history.”
“We join our kababayans in Parkland, Florida and the rest of Florida and the United States in prayers for the victims of this tragic incident,” sabi ni Romualdez.
Follow us on Twitter: @banderainquirer Facebook: inquirerbandera Instagram: banderainquirer