Trillanes binatikos si Pimentel matapos agad na ibasura ang Senate probe vs Du30
BINATIKOS ni Sen. Antonio Trillanes IV si Senate President Aquilino “Koko” Pimentel III matapos ang agarang pagbasura sa isinusulong niyang imbestigasyon kaugnay ng umano’y tagong yaman ni Pangulong Duterte.
“Masyado naman s’yang ninenerbyos agad para sa amo n’ya,” sabi ni Trillanes kay Pimentel.
Ito’y matapos sabihin ni Pimentel na hindi ang Senado dapat magsagawa ng imbestigasyon hinggil sa umano’y ill-gotten wealth nina Duterte at anak na si Davao City Mayor Sara Duterte-Carpio.
“Besides, it was Duterte himself who challenged the Senate to investigate his bank account. So, ito na ang sagot sa hamon ng amo n’ya,” dagdag ni Trillanes.
Umabot umano sa mahigit P100 milyon ang pinagsamang deposito nina Duterte at Mayor Sara sa Bank of the Philippine Islands.
“If he (Trillanes) really has the evidence then he should bring an actual case in the proper body. (The) Senate is not the body for that. We are part of legislative action,” ayon kay Pimentel.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.