Murder vs pulis na pumatay sa 2 bagets

By: 7 years ago

INAPRUBAHAN ng Department of Justice (DOJ) ang pagsasampa ng dalawang count ng kasong murder laban sa dalawang pulis na sangkot sa pagpatay sa dalawang binatilyo kaugnay naman ng gera ng gobyerno kontra droga.

Kabilang sa mga nahaharap sa kaso ay sina Police Officer 1 Jeffrey Perez at Ricky Arquilita.

Ang dalawa ang itinuturong pumatay sa mga binatilyong sina Carl Arnaiz at Reynaldo “Kulot” de Guzman.

Matatandaang natagpuan ang bangkay ng 14-anyos na si de Guzman matapos itapon sa isang ilog sa Gapan, Nueva Ecija. Si Kulot ang nawawalang kasama ni Arnaiz na natagpuang patay sa Caloocan City.