Mga sundalo libre na ang sakay sa LRT2 hanggang Disyembre 2018

LIBRE na ang lahat ng sundalo na sumakay sa Light Rail Transit Line 2 (LRT2) hanggang katapusan ng 2018 bilang pagkilala sa kabayanihan ng mga tropa ng gobyerno sa paglusob ng mga teroristang Maute sa Marawi City.
Sinabi ni Light Rail Transit Authority public relations head Lyn Paragas-Janeo na isang memorandum of agreement (MOA) ang pinirmahan sa pagitan ng LRTA at AFP noong Disyembre 2017 para sa libreng pagsakay sa LRT2 sa lahat ng mga sundalo.
“The memorandum, which took effect this January and would last until end of December 2018, was forged between the LRTA and AFP following the liberation of the war-torn Marawi City to recognize and honor the military’s dedication to protect the nation,” sabi ni Janeo.
Idinagdag ni Janeo na kailangan lamang ipakita ng mga sundalo ang kanilang ID sa mga teller para mabigyan ng libreng sakay.