Bagets sinugod si Kim Domingo sa taping: Gusto raw niya akong pakasalan! Ang cute!


PABATA nang pabata ang nagkakagusto ngayon kay Kim Domingo. Nakatulong sa kanya ang pagsali sa GMA series na Super Ma’am na mga batang manonood ang target na televiewers.

Binisita si Kim ng isang bagets sa taping fantasy-action series na pinagbibidahan ni Marian Rivera. Ipinost pa niya sa kanyang Instagram ang photo nilang dalawa.

“Ang pinakabata kong manliligaw. Bata pa lang pumapag-ibig na. Pumunta siya sa taping ko at may padala pa talagang bulaklak at chocolates. Gusto nya daw akong pakasalan. Ha-hahaha! Ang cute mo!” ang caption ni Kim sa picture nila ng bagets sa IG.

Of course, hindi naman ipinagkakaila ni Kim na nu’ng pasukin niya ang showbiz, bentahe niya ang kanyang seksing image. Pero nandoon pa rin ang pangarap niyang makilala siya bilang aktres tulad ng idolo niyang si Jaclyn Jose.

Wholesome man ang role ni Kim sa Super Ma’am, sa nabalitaan naming bagong movie na gagawin niya, “bibinyagan” niya sa screen ang isang batang aktor na yummy rin ang dating at wala ring takot maglantad ng hubad na katawan, huh!

Read more...