ANDRE PARAS AT MIKEE QUINTOS
SINADYA talaga nina Mikee Quintos at Andre Paras na magkita sa Los Angeles, California nu’ng holidays.
“Sinurprise niya ako. Sinundo niya ako! Joke!” biro ni Mikee sa presscon ng fantasy series ng GMA News & Public Affairs na Sirkus.
“Pinlano po namin ‘yun,” dagdag ng Kapuso actress. “Malapit kasi siya sa amin. Sinundo ko siya, “ saad naman ni Andre.
Pumunta sila sa Universal Studios, “It was fun kasi may bagong rides kaming na-research and of course, kumain kami ng marami,” say pa ng aktor.
Na-meet din daw ni Mikee ang kapatid ni Andre na si Kobe sa unang pagkakataon. Hindi raw kasi sila nagkita ng batang Paras nu’ng umuwi siya sa bansa.
Nahihilig yata si Andre sa mga babaeng petite, huh! “Petite ako! Ha! Ha! Ha!” bulalas ni Mikee.
Mapapanood ang Sirkus sa January 21 kapalit ng timeslot ng Road Trip. Kabilang din sa cast sina Cherie Gil, Gardo Versoza, Mikoy Morales, Klea Pineda, Sef Cadayona, Chariz Solomon at iba pa.