Jackpot ng Ultra Lotto 6/58 umabot na ng P205M

Inaasahang aabot sa P205 milyon ang jackpot prize ng Ultra Lotto 6/58 sa bola bukas ng gabi.
Ayon sa Philippine Charity Sweepstakes Office walang tumama sa P199.4 milyong jackpot prize noong Martes ng gabi kung saan lumabas ang winning number combination na 39-12-31-16-29-17.
Nanalo naman ng tig-P1,050 ang 1,091 mananaya na nakaapat na numero at balik ang P20 taya ng 22,248 mananaya na nakatatlong numero.
Ang Ultra Lotto ay binobola tuwing Linggo, Martes at Biyernes.