NANGUNGUNA sa pasabog ang mga unang episode na hatid ng Kapuso programs na Daig Kayo Ng Lola Ko at All-Star Videoke ngayong Linggo.
Riot na tawanan habang nagkakantahan ang hatid nina Solenn Heussaff at Betong Sumaya sa All-Star Videoke. Muli kasing nagbabalik ang mga makukulit na Videoke Stars na sina Katrina Halili, Jason Abalos, , Andre Paras, Donita Nose at Kris Bernal para muling subukang masungkit ang titulong All-Star Videoke Champ na hawak ng defending champion na si Maricris Garcia.
Samantala, sino kaya sa kanila ang makakaligtas sa All-Star Laglagers na sina Arnel Ignacio at Philip Lazaro?
At may makaagaw kaya sa kanila ng titulo kay Maricris?
Hindi ordinaryong kwentuhan naman ang hatid ni Lola Goreng (Gloria Romero) sa kanyang mga apo kasama sina Sef Cadayona, Analyn Barro at Gladys Reyes dahil pag-uusapan nila ang tungkol sa mga istriktong magulang.
Tatalakayin nila ang makulay na kwento ni Humpty Dumpy, ang makulit na itlog na laging gumagala.
Ano kayang aral ang matututunan sa kuwentong ito ni Lola Goreng?
Tutukan ang buena manong pampa- good vibes na ito ng Daig Kayo Ng Lola Ko at All-Star Videoke ngayong Linggo ng gabi sa GMA Sunday Grande.