ANGEL LOCSIN AT NEIL ARCE
MULING pinatunayan ng film producer na si Neil Arce ang kanyang pagmamahal kay Angel Locsin sa pamamagitan ng isang super cheesy message.
Sa pagpasok ng New Year, nag-post si Neil ng selfie photo nila ni Angel na magkasama sa isang tumatakbong sasakyan.
Nilagyan niya ito ng caption na: “My 2017, 2018, 2019… And sabi nga niya pag ginalingan ko… My forever, don’t worry gagalingan ko. I love you!”
Maraming fans ni Angel ang kinilig sa post ni Neil pero may mga nangnega rin sa binata. Pero in fairness, mas marami pa rin ang nagsabing bagay na bagay ang dalawa at sana’y sila na nga ang magkatuluyan sa huli.
Sey naman ng mga kontra sa relasyon nina Angel at Neil, halata naman daw ginagamit ng producer ang Kapamilya actress at pumapayag naman daw ang dalaga na magpagamit. Wish nila, sana raw ay magising agad sa katotohanan si Angel at maghanap muli ng lalaking babagay sa kanya.
Wala pang diretsong pag-amin sina Angel at Neil sa tunay nilang relasyon, ang palagi lang nilang sinasabi ay mahal nila ang isa’t isa at ayaw pa nila itong lagyan ng anumang label.