LRT-1 magbibigay ng libreng sakay sa New Year’s Day

MAGBIBIGAY ng libreng sakay ang Light Rail Transit Line 1 (LRT-1) sa Enero 1, 2018 bilang pagdiriwang ng Bagong Taon.

Ipapatupad ang libreng sakay mula alas-7 ng umaga hanggang alas-9 ng umaga, at mula alas-5 ng hapon hanggang alas-7 ng gabi, ayon sa advisory ng Light Rail Manila Corporation (LRMC) kahapon.

Bumibiyahe ang LRT-1 mula Roosevelt Station sa Quezon City hanggang Taft Avenue Station sa Pasay City.