Jessy nagpa-tattoo ng asul na sirena sa braso

TULAD ng ipinangako ni Jessy Mendiola sa sarili, nagpa-tattoo ang Kapamilya actress bago mag-Pasko na aniya’y matagal na niyang gustong gawin.

Sa kan-yang Instagram story ibinalita niya sa kanyang mga followers na itutuloy na niya ang pagpapalagay ng tattoo sa kanyang braso at wala na itong atrasan.

At in fairness, suportado talaga siya ng kanyang boyfriend na si Luis Manzano dahil sinamahan pa siya nito sa tattoo studio. Isang image ng sirena ang napili ng dalaga na ipalagay sa kanyang kamay.

Nakita namin ang tattoo ni Jessy sa litratong ipinost ng tattoo artist na si Wiji Lacsamana na may caption na: “A freehand watercolor mermaid on the very beautiful (Jessy) today.”