MULING nag-share ng kanyang blessings si Kim Chiu sa mga kapuspalad nating mga kababayan ilang araw bago ang Pasko.
Kamakailan ay nagsagawa ng “bazaar for a cause” si Chinita Princess na naging matagumpay naman sa tulong ng kanyang mga kaibigan at kasamahan sa showbiz. At ang kinita nito ay inilaan ng dalaga para mapasaya ang katutubong Aeta sa isang lugar sa Pampanga.
Namagi ng regalo at pagkain ang lead actress sa seryeng Ikaw Lang Ang Iibigin ng ABS-CBN sa mga kababayan nating katutubo bilang pasasalamat na rin sa lahat ng blessings na dumarating sa kanyang buhay.
“Eto na po siya! Ang dami niyo pong napasaya ngayong Pasko! Sana ma-share ko sa inyo ‘yung saya nila kanina nung natanggap nila ang mga regalo! Maraming maraming salamat!!! Much love and gratitude!” ang ipinost ni Kim sa Instagram.