Pinaikling biyahe ng LRT 1 at 2 sa bisperas ng Pasko at Bagong Taon

Pinaikli ang operasyon ng Light Rail Transit Line 1 at 2 sa bisperas ng Pasko at Bagong Taon.

      Ang operasyon ng LRT 1 ay mula 4:30 ng umaga hanggang 8 ng gabi sa Disyembre 24.

      Sa Disyembre 31, ang biyahe ay mula 4:30 ng umaga hanggang 7 ng gabi.

      Ang regular na biyahe ng LRT 1 ay 4:30 ng umaga hanggang 9:50 ng gabi.

    Sa Disyembre 24, sa halip na 10 ng gabi ang huling biyahe sa galing sa Santolan station ng LRT 2 ito ay magiging 8 ng gabi. Ang tren naman galing sa Recto ay 8:30 ng gabi sa halip na 10:30 ng gabi.

      Sa Disyembre 31, ang huling biyahe ng LRT2 sa Santolan station ay 7 ng gabi sa halip na 10 ng gabi. Ang galing naman ng Recto station ay 7:30 ng gabi sa halip na 10:30 ng gabi.