GALIT na galit si Ruffa Gutierrez sa isang driver ng bus na bumangga sa kanilang van habang binabagtas ang kahabaan ng EDSA nitong nakaraang weekend.
Idinaan ng dating beauty queen ang kanyang pagkaimbiyerna sa Twitter para ipaabot sa mga ki-nauukulan ang insidente.
Kasabay nito, nakiusap din siya sa kanyang social media followers na iretweet ang kanyang ipinost para mabigyan ng leksyon ang nasabing bus driver.
Ani Ruffa sa kanyang tweet, “This bus just crashed our van on EDSA corner Ayala and didn’t even stop!!! Reckless driver driving PANA LINER WITH PLATE NUMBER TYE328. Get these irresponsible driver off the streets! Please retweet.”
Sinagot din niya ang ilang netizens na nagtanong kung nasaktan ba siya ma-tapos ang insidente, “We are not injured but the point is — the driver was swerving from the right to left lane, hit the back of our van and just left.”