INAYUDAHAN ni Marian Rivera ang post ni Neri Naig, asawa ni Chito Miranda ng bandang Parokya ni Edgar, kaugnay sa pagpapasuso ng anak sa publiko.
May mga nagtaas ng kilay sa ginawa niyang ito pero dumepensa siya na hindi ito masamang gawin lalo na kung gutom na ang anak.
Isa sa adbokasiya ni Marian ang breastfeeding. Kaya naman nag-post ang bida ng Super Ma’am sa Instagram niya ng, “Basta para sa anak mo, lahat gagawin mo, anak natin ang mahalaga higit sa lahat.”
Ilang beses nang ginawa ni Yan Yan ang pagpapadede sa anak na si Zia sa publiko nu’ng ilang buwan pa ang bata. Wala siyang pakialam dahil may proteksyon naman siyang balabal para hindi masilip ang boobs niya habang nagpapasuso.
Anyway, tumanggap kahapon si Marian ng award mula sa AnakTV, ang AnakTV Makabata. Bukod sa kanya, binigyan din ng nasabing parangal si Maine Mendoza.