Publiko hindi dapat mag-panic sa dengue vaccine-Palasyo

PINAWI ng Palasyo ang pangamba ng publiko sa pagsasabing hindi kailangang mag-panic ang mga magulang sa harap naman ng posibleng masamang epekto ng dengue vaccine sa mga batang nabakunahan na.

Sa isang bress briefing, sinabi ni Presidential Spokesperson Harry Roque na batay sa pinakahuling pahayag ng drug manufacurer na Sanofi, epektibo ang dengue vaccine sa siyam na 10 kada Pinoy na binakunahan kontra dengue.

“The good news is people should not panic about the dengue vaccine. There is no danger with the dengue vaccine. What Sanofi, the manufacturer, revealed is that new studies indicate that for those who already had contact with dengue — and that’s nine out of 10 Filipinos — the dengue vaccine is in fact very effective in protecting the patient from another attack of dengue,” sabi ni Roque.

Ito’y matapos namang maalarma ang publiko sa naunang pahayag ng Sanofi na posibleng makasama pa ang dengue vaccine sa mga hindi pa tinatamaan ng dengue.

“The only new finding that they have is that for the one person out of 10 who’s not had dengue, chances are after three years, he may still be afflicted with dengue which was classified as severe dengue,” paliwanag pa ni Roque.

Idinagdag pa ni Roque na batay pa rin sa paliwanag ng Sanofi, hindi naman ito nakamamatay.

“So, in common parlance, sa ordinaryong salita, ‘yung pinakamalala po na pupwedeng mangyari sang-ayon sa bagong pag-aaral mismo ng Sanofi, eh ‘yung mga hindi pa nagkaka-dengue na isa lamang sa 10 ay pupwedeng magka-dengue na sa ating classification dati ay mild lamang dahil meron lang lagnat at merong mga pasa. Hindi po ‘yung severe na nakakamatay,” ayon pa kay Roque.

Samantala, sinabi naman ni Department Health (DOH) spokesperson Dr. Lyndon Lee Suy na 10 porsiyento lamang ng 700,000 na nabakunahan ng dengue vaccine ang posibleng tamaan ng dengue.

“Kasi the risk, sabi nga nila, is amongst those recipient ng dengue vaccine na hindi pa nagkaka-dengue. We do not have any problem at all with those recipients na nagka-dengue na before at nabakunahan. Out sila sa issue na ito,” paliwanag ni Suy.

Tiniyak naman ni Suy na bukas pa rin ang DOH sa imbestigasyon ng Senado, Kamara at maging ng Department of Justice (DOJ) sa isyu.

“We are open to any investigation na gustong gawin po ng — anybody who would want to really investigate, kung may iba pang naging problema dito sa dengue vaccine immunization program,” giit ni Suy.