P29M Grand Lotto jackpot nakuha sa NegOcc; 2 hati sa 6/42 jackpot

    Isang mananaya sa Negros Occidental ang nanalo ng P29.7 milyong jackpot prize ng Grand Lotto 6/55 sa bola Sabado ng gabi.     Dalawang mananaya naman- sa Rizal at Quezon City, ang maghahati sa P5.94 milyong jackpot prize ng Lotto 6/42.     Ayon kay Alexander Balutan, general manager ng Philippine Charity Sweepstakes Office, tumaya sa bayan ng Escalante ang nanalo sa 6/55.     Ang winning number combination ay 11-19-35-41-10-05.     Nanalo naman ng tig-P40,510 ang 20 mananaya na nakakuha ng limang numero. Tig-600 naman ang 1,066 mananaya na naka apat na numero at balik ang P20 taya ng 18,647 mananaya na nakatatlong numero.     Samantala sa Pililia, Rizal at Sikatuna Village, Quezon City naman tumaya ang nakakuha ng winning number combination na 23-30-03-06-09-25 sa bola ng 6/42. Sila ay maguuwi ng tig-P2.97 milyon.     Nanalo naman ng tig-P8,420 ang 81 mananaya na nakalimang na numero. Tig-P210 naman ang 2,561 mananaya na nakaapat na numero at balik ang P20 taya ng 28,686 mananaya na nakatatlong numero.