Horoscope, August 19, 2017

Para sa may kaarawan ngayon: Darating na ang magandang kapalaran. Kahit magkamit ng masaganang pamumuhay panatiliin ang pagiging low profile upang hindi ka kaiingitan. Kapag hindi nag yayabang mas marami pang suwerte ang makakamtan. Mapalad ang 1, 10, 19, 25, 38 at 45. Mahiwaga mong mantra: “Yama-Yasoda-Om.” Yellow at orange ang buenas.
Aries – (Marso 21-April 19) — Pag handaan ang iaalok na negosyo ng isang Sagittarius. Sa kanya ka sumosyo, malaking halaga ang kikitain nyong dalawa. Sa pag-ibig, ituloy lang ang pakikipag-relasyon sa kasuyong Leo. Mapalad ang 3, 18, 27, 34, 40 at 47. Mahiwaga mong mantra: “Aum-Dhipana-Om.” Violet at blue ang buenas.
Taurus – (April 20-May 20) — Sa araw na ito mabibili mo na ang bagay na noon mo pa gustong-gustong bilin. Kapag hawak mo na ang malaking halaga, wag kalimutang abutan ang kasuyo, upang matuwa naman siya sa iyo. Mapalad ang 9, 12, 15, 24, 33, at 48. Mahiwaga mong mantra: “Aum-Durate-Om.” Red at white ang buenas.
Gemini – (May 21-June 21) — Ipaputol ang mahaba mong buhok. Sa maikling buhok, mas papalarin ka sa pinansyal at pag-ibig na ihahatid ng kasuyong Libra. Mapalad ang 4, 13, 22, 31, 40 at 49. Mahiwaga mong mantra: “Secundus-Nulli-Secunda.” Silver at purple ang buenas.
Cancer – (June 22- July 22) — Wag pairalin ang pagiging sobrang bait. Kapag ganyan kang lagi may mangungutang na naman ng walang bayaran. Sa pag-ibig kung lagi kang bait-baitan uutuin ka na naman ng kasuyong Scorpio, ganon din ng mga mapagsamantala mong kaibigan. Mapalad ang 1, 10, 19, 28, 40 at 46. Mahiwaga mong mantra: “Tara-Beha-Jovecal-Om.” Green at white ang buenas.
Leo – (July 23 – August 22) — Sa araw na ito kung makakatanggap ka ng bagay na kulay yellow ikaw ay susuwertehin. Kung hindi naman, bumili ka ng kulay yellow na gamit upang maakit mo ang magandang kapalaran sa pinansyal at pag-ibig. Mapalad ang 1, 4, 26, 32, 40 at 48. Mahiwaga mong mantra: “Babanam-Kebalam.” Bukod sa yellow ang red ay buenas.
Virgo – (August 23 – September 22) — Damdamin ang magduduyan sa iyo sa kaligayahan sa araw na ito. In love ka na naman – kung siya ay isang Libra, ituloy mo lang. Sa pinansyal, hanapin ang isang Capricorn siya ang makakatulong sa iyo upang yumaman. Mapalad ang 5, 18, 23, 32, 38 at 45. Mahiwaga mong mantra: “Visnu-Purana-Om.” Blue at gray ang buenas.
Libra – (September 23-October 23) — Kukubabawan ka ng kalungkutan. Hahanap-hanapin mo ang nakaraan upang tahi-tahiin ang masasayang lumipas. Pero tapos na yon, wag mahirati sa mga bagay na hindi na muling magbabalik pa. Sumulong at magsimula ka na ngayon ng bagong version ng iyong sarili. Mapalad ang 7, 16, 25, 39, 40 at 43. Mahiwaga mong mantra: “Agla-Aum-Aum-Aum.” Pink at purple ang buenas.
Scorpio – (October 24 – November 21) — Habang pumapasok ang zodiac sign na Virgo ipatupad ang mga balak. Sa panahong ito susuwertehin ka na sa salapi, sa romansa at sa pag-ibig. Mapalad ang 7, 10, 23, 27, 33, at 42. Mahiwaga mong mantra: “Abra-Ka-Dab-Bra.” Beige at lilac ang buenas.
Sagittarius – (November 22 – December 21) — Uso ngayon ang sakit. Alagaan ang buong pamilya. Ugaliing maghugas ng kamay lagi-lagi at bukod sa masusustansyang pagkain ag-provide sa inyong hapag kainan ng vitamins at food supplements. Sa ganyang paraan pinalalakas ninyo ang inyong katawan at immune system, madaling magagapi ang anumang virus na papasok sa inyong katawan. Mapalad ang 3, 9, 28, 33, 45, at 49. Mahiwaga mong mantra: “Aum-Taph-Harath-Om.” Red at purple ang buenas.
Capricorn – (December 22 – January 19) — Matatabunan ka ng mga gawain sa araw na ito. Wag titigil, magpatuloy ka lang ng magpatuloy. Abot-kamay mo na ngayon ang pagyaman. Sa pag-ibig, bago unahin ang puso, tiyaking maraming-marami ka ng ipong pera. Mapalad ang 7, 9, 13, 28, 36, at 48. Mahiwaga mong mantra: “Atma-Avidya-Aroha”. Black at yellow ang buenas.
Aquarius – (January 20 – February 18) — Paglayo sa sinilangang bayan ang dapat isagawa. Sa ibang lugar, bagong pag-ibig at dagdag na pagkakakitaan ang madadatnan. Mapalad ang 8, 23, 28, 34, 41, at 48. Mahiwaga mong mantra: “Kesar-Khangaya-Kapor-Om.” Orange at gold ang buenas.
Pisces – (February 19 – March 20) — Magtataka ka kung bakit kinakapos ka na naman, gayong malaking salapi naman ang lagi mong nahahawakan. Hindi ka kasi marunong mag-ipon. Simulan na ang malawakang pagtitipid upang mas maramdaman mo ang value ng iyong kinikita. Mapalad ang 7, 17, 28, 34, 41 at 44. Mahiwaga mong mantra: “Aum-Yophiel-Om”. Green at purple ang buenas.