MULING pinaiyak ni Ultimate Star Jennylyn Mercado ang Kapuso viewers sa isang episode ng GMA Telebabad series na My Love From The Star.
Ito ‘yung eksenang nagmo-monologue si Steffi (Jennylyn) dahil miss na miss na niya si Matteo (Gil Cuerva). Na hindi niya alam ay naririnig pala ng binata sa likod ng pinto at sinasabing gustong-gusto at nami-miss na rin siya nito. Sa kuwento kasi ay dalawang buwan na lang ang natitira kay Matteo sa Earth.
Problemado siya kung babalik nga ba siya sa mundong pinanggalingan niya o mananatili sa Earth para makasama si Steffi.
At dahil sa mainit na pagtanggap ng mga manonood sa tambalang JenGil ay marami na ang humihirit ng follow-up project para sa dalawa dahil siguradong super sepanx (separation anxiety) daw ang mapi-feel nila kapag tapos na ang My Love From The Star na napapanood pa rin sa GMA Telebabad after Mulawin vs Ravena.