Horoscope, July 11, 2017

Para sa may kaarawan ngayon: Wag manghinayang sa mga bagay na wala sa iyo, ikalulungkot mo lang yan. Palaguin ang hawak na kabuhayan sa pamamagitan ng negosyong may kaugnayan sa tubig at lusaw na mga bagay . Sa pag-ibig, ituloy ang pakikipag-relasyon sa isang Scorpio. Mapalad ang 2, 16, 25, 32, 34, at 47. Mahiwaga mong mantra: “Agla-Aum-Aum.” Blue at green ang buenas.
Aries – (Marso 21-April 19) — Mas marami kang kikitain kung hindi ka magpapa-impluwensiya sa ibang tao. Sa pag-ibig hanggat pumapatol ka sa intriga, ang relasyon ay hindi magiging maligaya. Mapalad ang 3, 12, 21, 33, 36, at 45. Mahiwaga mong mantra: “Aum-Dosya-Bhanah-Om.” Red at orange ang buenas.
Taurus – (April 20-May 20) — Panatiliin ang pagpapaganda ng bahay at pagpapa-beauty ng physical na pangangatawan. Sa ganyang paraan, lalo kang susuwertehin at magtatamo ng mas maraming magagandang kapalaran, lalo na sa pag-ibig at sa pang materyal na bagay. Mapalad ang 4, 13, 21, 30, 39, at 42. Mahiwaga mong mantra: “Aum-Garuda-Arjuna-Om”. Gray at yellow ang buenas.
Gemini – (May 21-June 21) — Higit na uunlad sa kalakal na may kaugnayan sa modernong teknolohiya at kumunikasyon. Sa pag-ibig, wag paki-alaman ang kasuyo upang maiwasan ang hindi pagkakasundo. Mapalad ang 5, 14, 23, 31, 38 at 45. Mahiwaga mong mantra: “Aum-Pad-Me-Om.” Blue at white ang buenas.
Cancer – (June 22- July 22) — Gawing apple green ang kulay ng dingding ng bahay upang mas madaling pumasok ang suwerte at magandang kapalaran. Sa pag-ibig sa pagamit ng apple green masarap na relasyon ang mahihinog. Mapalad ang 1, 7, 19, 35, 43, at 47. Mahiwaga mong mantra: “Aum-Babanam-Kebalam.” Bukod sa apple green buenas din ang yellow.
Leo – (July 23 – August 22) — Ang inyong relasyon ay dadaan sa isang pagsubok. Laging panghawakan ang isang tapat at dalisay na pag-ibig. Sa pinansyal, kung hindi ka magtitipid madali talagang mauubos ang salapi. Mapalad ang 6, 15, 24, 32, 41, at 49. Mahiwaga mong mantra: “Aum-Factum-Gayatri-Om.” Orange at red ang buenas.
Virgo – (August 23 – September 22) — Panatiliin ang pagiging masinop upang kumita ng malaking halaga. Sa pag-ibig, wag mong ipilit ang iyong gusto na ikagagalit ng iyong kasuyo upang magtagal ang inyong relasyon. Mapalad ang 7, 11, 20, 38, 43 at 45. Mahiwaga mong mantra: “Aum-Padma-Meh-Om.” Yellow at green ang buenas.
Libra – (September 23-October 23) — Sa pag-ibig, ngayon palang paghandaan na ang romansang gagawin sa araw ng bukas. Uwian ang kasuyo ng isang uri ng pagkaing, bilog, nilalagyan ng asin at hinihigop, at pagkatapos sabay kayong kumain. Mapalad ang 7, 16, 25, 34, 40 at 47. Mahiwaga mong mantra: “Aum-Raga-Kastha-Om.” Pink at white ang buenas.
Scorpio – (October 24 – November 21) — Patawarin ang kasuyong nagkasala, upang kapag ikaw naman ang nagkamali, patatawarin ka rin niya. Sa pinansyal, pautangin ang mga nanghihiram upang kapag ikaw naman ang nagipit mayroon kang malalapitan. Mapalad ang 3, 6, 12, 27, 30, at 34. Mahiwaga mong mantra: “Aum-Jaiguro-Devah-Om.” Green at blue ang buenas.
Sagittarius – (November 22 – December 21) — Iwasan ang pagkukuwanri upang mas madali makuha ang tiwala ng mga kliyente. Sa pag-ibig kung ayaw mong dayain ka ng iyong kasuyo, wag mo rin siyang lolokohin ng palihim. Mapalad ang 5, 18, 26, 32, 34 at 45. Mahiwaga mong mantra: “Aum-Veda-Dosya-Om.” Violet at white ang buenas.
Capricorn – (December 22 – January 19) — Mag laan ng oras para makapag-unwind. Sa pagpapanibagong simula hatid ng isang Cancer magniningning ang inyong paligid. Sa pinansyal, kapag marunong kang mag-contemplate at manahimik may bagong pagkakakitaang mabubuksan. Mapalad ang 9, 18, 27, 36, 40 at 49. Mahiwaga mong mantra: “Aum-Udatta-Agla-Om.” Green at beige ang buenas.
Aquarius – (January 20 – February 18) — Hindi ito ang tamang panahon upang maglabas ng malaking halaga ng salapi. Sa pag-ibig, ito naman ang tamang panahon upang ituon ang isipan sa pagmumunimuni at pang-ispirituawal na mga bagay. Mapalad ang 3, 18, 21, 32, 38 at 49. Mahiwaga mong mantra: “Aum-Mohan-Karam-Om.” Pink at black ang buenas.
Pisces – (February 19 – March 20) — Sa pinansyal, sa buwang ito ng Hulyo gagabayan ka ng iyong intuition upang magkapera. Sa pag-ibig sundin ang tibok ng puso upang ganap na lumigaya at ng lalo pang sumarap ang romansa. Tandaang sa kabiguan ka dadalhin ng pagdadalawang isip. Kumilos ng mabilis ayon sa iyong konsensya. Mapalad ang 8, 16, 24, 33, 42, at 48. Mahiwaga mong mantra: “Aum-Raga-Kashta-Om.” Red at orange ang buenas.