Horoscope, June 20, 2017

Para sa may kaarawan ngayon: Isa lang ang solusyon upang umunlad – lakas ng loob. Ang mga pinanganak sa petsang 20 ay mahina ang loob, pero kapag lumakas ang loob at tumapang ang lahat ng tagumpay sa materyal at ligaya sa pag-ibig ay mapapasainyo ng walang kahirap-hirap. Mapalad ang 2, 7, 20, 25, 34, at 49. Mahiwaga mong mantra: “Aum-Minna-Om.” Blue at green ang buenas.
Aries – (Marso 21-April 19) — Hindi lalago ang kabuhayan kung lagi sa iyong may umaasa. Lumayo muna sa sinilangang bayan. Sa malayong lugar mas mabilis kang yayaman. Sa pag-ibig sa malayong lugar mo rin matatagpuan ang true love. Mapalad ang 6, 19, 21, 27, 32, at 44. Mahiwaga mong mantra: “Aum-Ne-Pad-Me-Om.” Red at purple ang buenas.
Taurus – (April 20-May 20) — Kung hindi mo tatapusin ang mga nakabinbing gawain matatabunan ka na naman ng mga deadline. Wag kukupad-kupad. Laylo muna sa madalas na pagso-social media, ang mga bagay na may kaugnayan sa career at pera ang unang pahalagahan. Mapalad ang 7, 11, 19, 20, 39, at 45. Mahiwaga mong mantra: “Aum-Trata-Savitra-Om.” Pink at green ang buenas.
Gemini – (May 21-June 21) — Kahit umuulan, umpisahan mo ng palaguin ng palaguin ang kabuhayan upang yumaman. Sa pag-ibig, ituloy ang pakikipag-relasyon sa isang Libra. Mapalad ang 5, 14, 23, 32, 41 at 48. Mahiwaga mong mantra: “Aum-Gayatri-Om.” Blue at red ang buenas.
Cancer – (June 22- July 22) — Huwag haluan ng awa at emosyon ang mga bagay na may kaugnayan sa pagkakaperahan upang hindi ka malugi. Sa pag-ibig, okey na ka-relasyon ang isang Scorpio. Mapalad ang 7, 16, 26, 33, 38 at 42. Mahiwaga mong mantra: “Yod-He-Vau-We.” Silver at lilac ang buenas.
Leo – (July 23 – August 22) — Lahat naman ng tao ay may utang. Baon nga lamang yong iba, habang yong iba ay nakaka-ahon pa. Makaaahon ka rin sa mga pagkakautang sa tulong ng isang Aries. Sa pag-ibig sa isang Sagittarius makakadama ng true love. Mapalad ang 3, 18, 27, 34, 42, at 47. Mahiwaga mong mantra: “Baba-Nam-Ke-Balam.” Gray at gold ang buenas.
Virgo – (August 23 – September 22) — Wag maging mapaglaro lalo na sa pag-ibig, baka ikaw naman ang laruin ng kapalaran. Maging tapat sa minamahal. Sa pinansyal, maging totoo at maging malambing sa mga kliyente upang tuloy-tuloy kang umunlad at yumaman. Mapalad ang 5, 14, 23, 34, 43, at 46. Mahiwaga mong mantra: “Aum-Nahatha-Om.” Green at white ang buenas.
Libra – (September 23-October 23) — Magiging masaya at maunlad ang araw na ito maglalagay nang kurtinang may disenyong bulaklak at mga halaman na kulay pink o kaya’y kulay pula. Sa nasabing disenyo, mas lalong darami ang suwerte at dating ng magagandang kapalaran. Mapalad ang 6, 9, 18, 29, 30 at 45. Mahiwaga mong mantra: “Agla-Aum-Aum”.
Scorpio – (October 24 – November 21) — Kahit panay ang buhos ng ulan hindi ka dapat tamarin. Lalo mo pang pasiglahin ang kalakal na may kaugnayan sa payong, salbabida, bangka, tsinelas, kapote, at iba pang produktong pang-tag-ulan. Suwerte ka sa tubig at dyan ka yayaman. Mapalad ang 2, 7, 28, 37, 40 at 49. Mahiwaga mong mantra: “Aum-Karaam-Dosya-Om”. Green at silver ang buenas.
Sagittarius – (November 22 – December 21) — Sa kawalang ingat at padalos dalos na diskarte darating ang malaking problema. Sa pag-ibig, may isang immoral na relasyong mabubuksan – layuan mo agad. Sa pinansyal, isipin munang mabuti bago maglabas ng pera. Mapalad ang 3, 18, 27, 34, 40 at 47. Mahiwaga mong mantra: “Aum-Dhipana-Bodhana-Om.” Violet at blue ang buenas.
Capricorn – (December 22 – January 19) — Sa pinansyal, maging maluwag sa mga tauhan, upang hindi ka nila kamuhian. Sa pag-ibig, mahalin pang lalo ang matiising kasuyo, upang lalo kayong umunlad at lumigaya. Mapalad ang 7, 16, 24, 35, 45 at 49. Mahiwaga mong mantra: “Aum-Padme-Gayatri-Om.” Beige at maroon ang buenas.
Aquarius – (January 20 – February 18) — Sa pag-ibig muling titibok ang puso, sa biglaang pagkikita ng dati mong crush. Sa pinansiyal, may mag-aalok ng bagong pagkakakitaan – sunggaban mo agad. Mapalad ang 5, 14, 23, 32, 41, at 48. “Aum-Bhanah-Bhanah-Aum.” Green at red ang buenas.
Pisces – (February 19 – March 20) — Wag ikalungkot kung papaubos na ang pera, sa susunod na buwan ng Hulyo kusa uling madadagdagan ang income. Tandaang “weather-weather lang yan.” Sa pag-ibig, ituloy ang pakikipag-relasyon sa kasuyong Scorpio. Mapalad ang 3, 18, 27, 34, 40 at 47. Mahiwaga mong mantra: “Aum-Dhipana-Bodhana-Om.” Violet at yellow ang buenas.