TALK of the town pala ang pakiusap ng TV executive sa kilalang blogger na kausapin ang publicist ng isang event para sa isang kilalang personalidad na dumating sa Pilipinas kamakailan.
Sa isang showbiz event ay nagkakatawanan at napapailing ang mga katoto at ilang bloggers habang ikinukuwento ang pakiusap ng TV executive sa kasamahan sa trabaho na ibulong sa kilalang publicist na magpa-picture sa kilalang personalidad sa mga artistang labis ang paghanga sa kanya at tatanawin daw itong malaking utang na loob.
Hirit ng kausap namin, “Ano naman ang powers ni ________ (blogger na pinakiusapan), e, invited lang din siya sa event? Hindi naman sila ganito (muwestrang close) nu’ng PR. Nakakaloka siya, bakit hindi na lang siya ang lumapit, e, mas may power siya dahil dala niya ang pangalan ng network.”
E, teka, bakit kasi kailangang magpa-picture pa nu’ng mga artista nila du’n sa bisitang personalidad? “E, idol daw saka alam mo na, feeling close.”
E, sana nag-photobomber na lang yung mga artista nila sa mga pa-pictorial ng kilalang personalidad na dumating sa bansa.