MAS magiging mainit at palaban din ang mga susunod na eksena sa tinututukang afternoon serye sa ABS-CBN na Pusong Ligaw, lalo na ngayong nagkita na uli sina Bianca King at Beauty Gonzales bilang sina Tessa at Marga.
Kung nabitin kayo sa mga eksena noong Biyernes, kaila-ngang tutukan n’yo ang mga pasabog na face off ng dating mag-BFF na mortal na magkaaway na ngayon. Idagdag pa riyan ang mga gagawin nina Raymond Bagat-sing at Joem Bascon para ipaglaban ang kanilang pagmamahal at pamilya.
Umaatikabong acting showdown sa pagitan nina Bianca at Beauty at Raymond at Joem ang nag-aabang sa mga manonood sa mga susunod pang episode ng Pusong Ligaw na siguradong hindi kakayanin ng powers nyo sa sobrang intense.
At para sa mga fans ng tambalang Diego Loyzaga at Sofia Andres, tuluy-tuloy pa rin ang hatid na kilig ng dalawa sa serye lalo na ngayong unti-unti na silang napapalapit sa isa’t isa. Promise nga ng rumored couple, maraming-marami pa silang hatid na kulitan at kiligan sa Pusong Ligaw after It’s Showtime kaya huwag na huwag kayong bibitiw.