SINCE she’s playing a yaya in her latest movie, “Our Mighty Yaya”, ng Regal Entertainment ay natanong si Ai Ai delas Alas kung kailan siya nagiging yaya ng boyfriend niyang si Gerald Sibayan.
“‘Pag naglalambing lang siya,” maikling sagot ng komedyante.
“Si Gerald kasi ano siya, eh, millennial siya. Hindi siya alagain, ano lang siya chill-chill lang. At saka ano kasi, sanay siya na mabuhay na mag-isa. (Member) ‘yan ng National Team so bata pa lang siya sanay siya na mabuhay sa isang square sa Rizal (Stadium) na magba-badminton, papasok sa loob, mag-aaral. ‘Yun ang buhay nila. So, sanay sila sa ganoong buhay, hindi sila alagain,” paliwanag pa ng Concert Comedy Queen.
Kapag bine-baby niya si Gerald ay gustung-gusto naman daw ito ng kanyang boyfriend, “Hindi siya naiilang. Gusto niya iyon. Kumbaga, hindi siya sanay nang ganoon pero noong nakaramdam siya ay nasarapan siya na binebeybi siya.”