Phoenix Fuel Masters wagi sa Alaska Aces

Mga Laro Ngayon
(Mall of Asia Arena)
3 p.m. Blackwater vs Star
5:15 p.m. San Miguel Beer vs Rain or Shine

MATINDING paglalaro ang ipinakita ni Jameel McKay para buhatin ang Phoenix Petroleum Fuel Masters sa 94-86 pagwawagi kontra Alaska Aces sa kanilang 2017 PBA Commissioner’s Cup elimination round game Biyernes sa Smart Araneta Coliseum sa Cubao, Quezon City.

Magandang numero ang agad itinala ni McKay sa first half matapos gumawa ng 24 puntos at 17 rebounds subalit hindi ito nagpapigil hanggang sa pagtatapos ng laro sa ginawang 42 puntos at 22 rebounds. Mayroon din siyang tig-dalawang steals at blocks.

Bunga ng panalo, umangat ang Fuel Masters sa 3-4 kartada.

Kumana si Cory Jefferson ng 31 puntos para pamunuan ang Aces.