Testigo sa Davao Death Squad umalis ng PH dahil sa isyu ng kaligtasan

UMALIS sa bansa ang umaming dating miyembro ng Davao Death Squad (DDS) na si Arturo Lascañas dahil sa banta sa kanyang buhay.

“I have received threats that a lawsuit would be filed against me, and there are also people looking for me as well,” sabi ni Lascañas sa panayam ng Philippine Daily Inquirer, sister company ng Bandera.

Nauna nang idinawit ni Lascañas si Pangulong Duterte sa DDS.

“I’m not confronting him. I was just telling the truth, the whole truth about the killings in Davao, (and about) my involvement, because I want to have a clean conscience,” dagdag ni Lascañas.
Noong Pebrero, bumaliktad si Lascañas sa naunang naging testimonya sa Senado matapos niyang itanggi ang pagkakasangkot sa DDS at ang mga alegasyon ng isa pang miyembro ng DDS na si Edgar Matobato.
Inamin ni Lascañas na nagsinungaling siya nang unang humarap sa Senado dahil sa takot para sa kaligtasan ng kanyang pamilya.
Noong Sabado, nangamba si Lascañas kung makakaalis siya.
Naghintay siya ng 15 minuto para tatakan ng airport immigration ang kanyang passport.
“They didn’t talk to me. They just told me to take a seat. They didn’t tell me why,” sabi ni Lascañas.
Sinabi naman ng isa sa mga airport immigration na wala silang dahilan para siya pigilang makaalis.
“The immigration staff were actually polite and even apologetic,” sabi ni Lascañas, bagamat sinabing kinuha ng opisyal ng immigration ang kanyang mga pupuntahan.

Sinabi ni Lascañas na matatagalan pa bago siya makauwi ng bansa.
“Siyempre masaya dahil na-allow ako makaalis. Malungkot naman dahil first time ko nakaalis. Siyempre kahit papano, mahal natin ang bansa natin,” dagdag ni Lascañas.

Inamin naman niya na bilang isang tao, natatakot din siya.
“I am sure, I might either be jailed or killed. It’s just one of the two possibilities. But for me, I know God has a plan and that would be my destiny for telling the truth. I have accepted that. But all that will be overcome by one’s faith. To me, God is my guide. I know (God) will not abandon me,” ayon pa kay Lascañas.