Sulat mula kay Arjay ng Bayugo, Meycauyan, Bulacan
Dear Sir Greenfield,
Ako po ay isinilang noong April 2, 1990. Ang problema ko na gusto kong sanang ikonsulta ay kung kailan ako magkaka-girlfriend at magkakatrabaho. Tapos po ako ng BS Marine Transportation pero simula nang grumadweyt ako ay walang kaugnayan sa kurso ko ang nakukuha kong trabaho kaya hindi rin ako nagtatagal at nagre-resign ako. Kaya sana po matulungan n’yo ako na magbago ang aking kapalaran at sana sa taong ito ay magkaroon na ako girlfriend at trabaho na may kaugnayan sa natapos kong kurso. Sana suwertehin na ako ngayong taong ito ng 2017
Umaasa,
Arjay ng Bulacan
Solusyon/Analysis:
Palmistry:
May malawak at malinaw na Travel Line (Illustration 1-1 arrow 1.) sa iyong palad. Ibig sabihin. malaki ang pag-asa na makapag-abroad ka. Ang dapat mong gawin aymag-apply ka uli ng bago. Kung baga, kalimutan mo na ang mga dati mong apply at makikita mo sa bago pag-apply at bagong sigla, sa taon ding ito ng 2017 ay makapag-aabroad ka na at magagamit mo na ang natapos mong kurso.
Cartomancy:
Seven of Hearts, Eight of Diamonds at Jack of Clubs ang lumabas (Illustration 1.). Ang mga baraha ang nagsasabing sa tulong ng isang kaibigang lalaki, maaaring kaklase mo, pinsan mo o dati mong naging guro, ay mabilis ang magaganap – may isang mabunga at mabibiyang pagbabarko na itatala sa iyong kapalaran.
Itutuloy