Opisyal ng DepEd patay matapos pagbabarilin sa  Lanao Sur 

PATAY ang isang opisyal ng Department of Education (DepEd) na nakatalaga sa Lanao del Sur matapos pagbabarilin ng isang nag-iisang salarin sa Parang, Maguindanao, ayon sa pulisya. Nasa comfort room ang biktimang si Nasser Devanza, schools division superintendent ng  Lanao del Sur,  sa isang gasoline station sa Barangay Making nang siya ay pagbabarilin ganap na alas-5:40 ng hapon noong Lunes, ayon kay Senior Inspector Erwin Tabora, Parang town police chief. Sinabi ni  Tabora na pabalik na sana ang biktima sa Lanao del Sur matapos dumalo sa pagbubukas ng Autonomous Region in Muslim Mindanao regional sportsfest sa North Upi  nang mangyari ang pag-atake. Namatay ang biktima matapos magtamo ng mga tama ng bala sa iba’t ibang bahagi ng katawan.