HINDI muna manonood ng concert sa isang kilalang hotel
Ito ay para mapanindigan niya na mali ang mga bintang na wala siyang ginagawa kundi ang maging visible sa mata ng publiko kaugnay sa kanyang umano’y ambisyon na maging senador sa 2019.
Kung dati ay lagi siyang present sa mga public events ngayon ay mas pinili niyang ma-natili muna sa low profile status.
Sinabi ng ating Cricket na somehow ay nakikinig na ang ating bida sa mga payo ng mas senior sa kanya.
Pinayuhan na rin siyang kumuha ng mahusay na PR group pero ilang araw lang ang itinagal ay hindi na naman siya sumusunod sa rekomendasyon ng mga ito.
Dahil idol niya ang pangulo, what you see is what you get ang peg ng bida sa ating kuwento.
Sa pagtatanong ng
ating Cricket sa mga taong malalapit kay Sir ay halos iisa lang ang kanilang sinasabi.
Masyadong nabigla ang ating bida sa matinding atensyon na ibinigay sa kanya ng publiko dahil sa kakatwa niyang style of leadership.
Nag-click ang kanyang pagiging kengkoy na brusko pero nakalimutan niya na ipakita ang kanyang pagiging isang tunay na “officer.”
Isang lider na iginagalang hindi dahil takot sa kanya ang kanyang mga tauhan kundi isang lider na may kakayahang magbigay ng magandang halimbawa sa kanyang kapwa.
Maraming mga importanteng pangyayari na ang kanyang pinalampas na maaari sanang magpatunay sa kanyang kakayahan na pamunuan ng tapat ang kanilang ahensiya.
Hindi na ito maibabalik kaya ngayon ay naghahabol si Sir na ibangon ang kanyang pangalan at liderato sa pamamagitan ng pag-iwas sa mga sosyalan at gimikan.
Ang lider ng isang ahensiya ng pamahalaan na naghahabol ng magandang PR dahil sa kanyang political ambition sa 2019 ay si Mr. R as in Rock.