Nasawi ang isang pastor nang barilin ng mga armadong naka-motorsiklo sa Titay, Zamboanga Sibugay, kahapon, ayon sa pulisya.
Ikinasawi ni Canoy Ligot, 35, pastor ng Alliance Church, ang tama ng bala sa likod ng ulo, ayon sa ulat ng Zamboanga Peninsula regional police.
Naganap ang insidente pasado alas-7 ng umaga sa Sitio Matanog, Brgy. Dalangin.
Patungo si Ligot at kanyang misis sa Brgy. Poblacion lulan ng kanilang motorsiklo, nang barilin ng dalawang lalaking magkaangkas sa isa pang motor ang pastor, ayon sa ulat.
Agad tumakas ang mga salarin matapos ang insidente. Natagpuan ng mga rumespondeng pulis sa pinangyarihan ang isang basyo ng kalibre-.45 baril.
Inaalam pa ng mga imbestigador ang pagkakakilanlan ang mga salarin.
MOST READ
LATEST STORIES