DREAM project pala ni Dingdong Dantes ang makasama ang asawang si Marian Rivera sa isang sitcom.
Kalat na ngayon ang balita na pagkatapos daw ng GMA Telebabad series ni Dingdong na Alyas Robin Hood ay bibigyan siya ng Kapuso Network ng sariling sitcom kung saan makakasama niya si Marian.
Ngunit ayon sa Kapuso Primetime King, hindi pa niya makumpirma kung matutuloy nga ito bilang isa sa mga bagong programa ng GMA sa 2017.
“Dream project ko yun. Pero hindi, hindi ko maku-confirm. But kung ako lang, gusto ko talaga yun, siguradong masaya ‘yun,” pahayag ni Dingdong.
In fairness, mukhang papatok nga sa mga manonood ang sitcom ng mag-asawa dahil first time nila itong gagawin sa telebisyon. Kumbaga, bagong putahe naman ito para sa DongYan fans na miss na miss na silang mapanood sa isang proyekto.
Samantala, sa lahat ng tumututok sa Alyas Robin Hood sa GMA Telebabad after Encantadia, narito ang kailangan n’yong abangan tonight.
Si Pepe (Dingdong) na ang pipigil sa biglaang awayan nina Sarri (Megan Young) at Venus (Andrea Torres). At dahil ayaw pa ring magpatalo ni Sarri, si Pepe na ang sisigaw at magsasabi sa dalaga na tigilan na sila ni Venus dahil malapit na silang ikasal (as their fake identities). Maiiyak si Sarri as Maggie (Cherie Gil) comes to her rescue. Hihingi ng pasensya si Maggie kina Pepe at Venus.
Samantala, sa pag-uusap naman nina Dean (Sid Lucero) at Maggie sa fake na Mayor Arguelles, nagtataka ang mag-ina sa sinasabi na plano ng fake mayor. Magugulat na lang sila nang biglang dumating at nagpakita ang nagbabalik na si Wilson Chan (Dennis Padilla). Wilson explains na one year nang plano ng Matanghari na patayin si Mayor Arguelles.
Pepe and Junjun continue to investigate kung totoo nga ang itinatagong bangkay ni Mayor Arguelles. Sa paghahanap nila, makikita nila ang isang freezer kung saan naroon ang bangkay ng alkalde. Mare-realize ni Pepe na walang nagre-report dahil buong hotel ay kasabwat din sa pagpaslang sa nasabing mayor.
Minabuti muna ni Pepe na i-report ang nangyari kay Leandro (PJ Abellana). Pero pagbalik nina Pepe sa dating lugar na pinagkitaan nila ng bangkay, wala na silang nakita. Mate-trace ni Pepe ang isang van na may sakay na goons. Papasok siya sa likod ng van at makikita niya ang isang body bag. Pero bago makalabas ng van si Pepe, tamang-tama na papunta na rin ang ilang goons sa likod.
Aatakihin ni Pepe ang security. Pepe takes an aim at one of the van’s wheel pero darating ang kotse ni Junjun. Sasablay ang pag-aasinta ni Pepe sa gulong ng kotse, instead ay tatama ito sa balikat ng isa sa goon. Susundan nina Pepe at Junjun ang van. Kasabay nito, makikitang papasok si Sarri sa Casa Noli, isang abandoned house.