MARIING itinanggi ng Kapamilya actress na si Erich Gonzalez na inisnab niya ang isang Pinoy nang magkrus ang kanilang landas kamakailan sa New York.
Ayon sa isang Twitter user na si Andrea Gonzalez, nais lang daw sana niyang magpa-picture kay Erich ngunit nagbago ang desisyon niya dahil mukhang raw ayaw nitong magpaistorbo.
Sey nito sa kanyang tweet, “Magpapapicture sana ako kay Erich Gonzales dito sa New York kaso ang snob. Di lang niya alam na kay Daniel (Matsunaga) ako papapicture tapos siya kukuha.”
Marami sa followers ni Erich sa Twitter ang agad namang nagtanggol sa girlfriend ni Daniel Matsunaga.
Isang loyal fan ng aktres ang nag-repost ng mensahe ni Erich na nagsasabing hindi naman totoong inisnab niya ang nasabing Pinoy fan.
In fairness, nag-reach out pa nga raw ang dalaga sa nasabing netizen para linawin ang issue. Narito ang sinasabing mensahe ni Erich.
“Hi good morning. I just read your tweet. I just wanna let you know that I didn’t snub you.
“I was looking around and saw you smiling at me… I smiled at you and I even said hi.
“Then they called me to join the family picture. I was rushing because the baby might be cold and get sick because it was raining,” na ang tinutukoy ay ang group photo nila ni Daniel at ng family nito sa Times Square, New York.
Dagdag pa ni Erich, “Also, you didn’t ask me for a photo. How will I know [you wanted one]? I don’t mind taking photos at all. No problem.
“I don’t know what’s the purpose of your tweet and your cousins’s tweets. And the Instagram post as well. God knows my conscience is clear and I didn’t do anything wrong to you…!”