WAGI si Dennis Trillo sa FAMAS bilang Best Actor para sa bio-lick na “Felix Manalo”. Todong ipinagmalaki ito ng Kapuso Drama King sa ipinost niyang mensahe sa kanyang social media accounts.
Hindi lang si Dennis ang Kapuso star na nakakuha ng award sa FAMAS, panalo rin si Gabby Concepcion bilang Best Supporting Actor sa movie na “Crazy Beautiful You” habang Best Supporting Actress naman si Lorna Tolentino para pa rin sa “Crazy Beautiful You”.
Best Film ang “Felix Manalo” under Viva Films, Best Director si Joel Lamangan para pa rin sa “Felix Manalo” at Best Actress naman si Andi Eigenmann for “Angela Markado”.
Ibinigay naman ang German Moreno Youth Achievement Award kina Jak Roberto, Sanya Lopez at Gabbi Garcia habang ang movie nina Aljur Abrenica at Kris Bernal na “EDSA” ay pinarangalan bilang 2016 Advocacy Film.
Buti pa ang FAMAS, star-studded pero ang Luna Awards ng Film Academy of the Philipines ay bihirang daluhan ng sikat na mga artista to think na mula sa industriya pa ang nagbibigay ng mga parangal dito, huh!