Ellen sa tunay na relasyon nila ni Baste Duterte: Basta 1+1 equals 2!
BASTE DUTERTE AT ELLEN ADARNA
IWAS na iwas pa rin ang Kapamilya sexy actress na si Ellen Adarna sa pagsagot sa mga tanong tungkol sa tunay na estado ng relasyon nila ni Presidential son Baste Duterte.
Sa nakaraang presscon ng bago niyang afternoon series sa ABS-CBN, ang Langit Lupa, tumangging magpainterbyu ang dalaga about her rumored romance with Baste.
Aniya, ang binata na lang daw ang tanungin tungkol sa kanilang relasyon, lalo na sa mga kumalat na sweet at kissing photos nila sa social media.
Sa isang event naman kamakailan, muling natanong si Ellen tungkol sa kanyang rumored boyfriend. Blooming daw kasi ngayon ang sexy actress kaya siguradong maligaya rin ang kanyang personal life, partikular ang kanyang lovelife.
“My personal life? Tanungin niyo na lang siya, (Baste) my personal life is basta 1+1 equals 2,” nakangiting sagot ng dalaga sa isang panayam.
Dugtong pa nito, “What you see is what you get. That’s it! I’m happy and I look very happy right?”
Pero kahit na ayaw pa ring kumpirmahin nina Ellen at Baste ang kanilang relasyon, mas marami pa rin ang naniniwala na sila na talaga. Sabi nga ng isa niyang followers sa Instagram matapos makita ang kanilang kissing photo, “Imposible namang friends lang sila di ba? May magkaibigan pang nagli-lips to lips? Halerrrr!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.