Nakatatak sa utak ni Vic ang kapakanan ng mga bata pag gumagawa siya ng festival movie. Kay yumaong Fernando Poe, Jr. daw niya natutunan ang ugaling ‘yun. Si Da King daw ang nagsabi sa kanya na kailangang gumawa siya ng pelikulang pambata tuwing Pasko.
Hindi man napili ngayon ang pelikula, depende pa rin daw sa rules ng Executive Committee kung sasali uli siya next year.
“Nu’ng ng una kasi, after the congressional hearing the decided on this na parang they’d rather go for the indie films. Nu’ng una, sabi ko sa mga partner ko, hindi muna ako gagawa. Kasi hindi ako sanay na gagawa ng indie film.
“Mas gusto ko, it’s a personal choice kung anong pelikula na magugustuhan ng buong pamilya, lalo na ang mga bata.
“Tapos, medyo nagkaroon ng pagbabago ng hangin. Ang pagkakaintindi namin, hahatiin na lang. Kalahati mainstream, kalahati indie.
“Doon pa lang, parang medyo hindi na tama eh. Pareho kami ng pananaw ni Marlon (Rivera). Hindi dapat ina-identify na indie, na mainstream. Basta lahat ‘yan pelikula. Kanya-kanyang taste.
“Ito ang gusto ko wala kayong pakialam. So we decided to do, go ahead to shoot ‘Enteng 10’. Siyempre pag Enteng Kabisote at kahit noon sa pelikulang ginagawa namin before, we make sure na malinis ang gawa.
“Maybe sa isang tao, wala sa kalidad nila ‘yon pero taste nila ‘yon. Pero heto ang taste namin sa pelikula. We make sure na it will be for the whole family. We make sure that photography will be nice. Kaaya-aya sa mga mata ng manonood kasi halos dalawang oras mong panonoorin ‘yan, di ba?
“Kailangan maganda ang view, nakikita mo, tapos maayos ang acting mapa-comedy man o hindi. Kahit anong ginagawa, kailangang malinis, pulido ang pagkakagawa.
“For next year? We’ll see how it goes. Baka naman sabihin nila puro indie pa rin. We’ll try again next year or next, next year! Para naman makasakay ng float itong si Bea Binene! Medyo nalulungkot siya hindi siya makakasakay ng float. Gusto mo mag-float kang mag-isa mo!” paliwanag ni Vic saka biniro si Bea na katabi sa mesa sa presscon ng movie.
Unang nabalita na Dis. 7 ang bagong playdate ng “Enteng 10” pero sa presscon, inihayag na Nob. 30 na ito at head-on sa movie nina Vice Ganda at Coco Martin.