KATHRYN BERNARDO AT DANIEL PADILLA
MAY MGA nagtatanong sa amin kapatid na Ervin kung totoo bang hinayaan na lang ng mga photographer sina Kathryn Bernardo at Daniel Padilla na maging “sweeter than ever” nang magkaroon ang mga ito ng photo shoot sa Iceland.
Ayon sa aming kausap, kitang-kita kung gaano ka-in love sa isa’t isa ang dalawa. Na tipong second nature na raw nila ang magyakapan, mag-kiss (not necessarily lips to lips), bantayan ang isa’t isa at dedmahin lang ang mga nakapaligid sa kanila.
Aba kung totoo namang yelo ang buong kapaligiran nila habang nasa photo shoot, aarte pa ba ako na huwag payakap at pahalik sa taong pinakamamahal ko? Ha-hahahaha! Ang sarap kaya! Ha-hahaha!
Tsaka wala namang masama, nagmamahalan sila at wala naman silang inaapakan at sinasaktang ibang tao. For as long as alam nila ang kanilang limitations as girlfriend-boyfriend, go lang nang go!