KRIS AQUINO AT RODY DUTERTE
ITINANGGI ng Palasyo na inisnab ni Pangulong Rodrigo Duterte si Kris Aquino matapos hindi siputin ang nakatakdang panayam sa kanya noong Biyernes ng hapon sa harap naman ng magkakaibang dahilan na ibinigay ng Malacanang.
Sa isang panayam, hindi naman direktang masabi ni Communications Secretary Martin Andanar ang totoong rason ng pagkabigo ni Duterte na makapunta sa panayam ni Kris.
“So there was really no intention to snub Kris Aquino. The whole force of the government supporting the program, then you just read between the lines, that it is supported by the government,” sabi ni Andanar.
Nauna nang sinabi ni Presidential Spokesperson Ernesto Abella na may migraine si Duterte kayat hindi makakadalo sa panayam ni Kris, bagamat sumipot ang pangulo sa kanyang nakatakdang iskedyul noong Biyernes ng gabi kung saan humingi pa siya ng paumanhin sa pagiging late dahil sa bundok pa umano siya galing.