NAKAKATUWA naman ang good vibes na dala ng mga bisita ni Dingdong Dantes sa mismong set ng kanyang GMA Primetime series na Alyas Robin Hood.
Nagulat ang lahat nang biglang umapir sa taping ang mag-ina ng Kapuso Primetime King na sina Marian Rivera at Baby Zia. Sinorpresa kasi ng mga ito si Dingdong habang nasa location ng Alyas Robin Hood kamakailan. Hindi raw alam ni Dong na pupunta roon ang kanyang mag-ina.
Sa Instagram ay makikita ang ilang kuha mula sa pagdalaw nina Marian at Baby Zia sa set. Kitang-kita ang kaligayahan ng Kapuso actor nang maka-bonding niya kahit sandali lang ang kanyang asawa’t anak.
At mukhang mas na-inspire pa siyang tapusin agad ang trabaho para maaga silang makauwi.
MOST READ
LATEST STORIES