Coleen jackpot uli; tuhog sina Kim at Xian

JACKPOT na naman si Coleen Garcia pagdating sa trabaho, bukod kasi sa pelikula nila ni Xian Lim under Star Cinema ay kasama rin pala siya sa reunion series nina Kim Chiu at Gerald Anderson na Ikaw Lang Ang Iibigin, sa ilalim ng Dreamscape Entertainment.

Gaganap ding triathlete si Coleen sa nasabing serye tulad nina Gerald at Jake Cuenca na siyang magiging kontrabida sa programa. Pero may twist daw sa character niya na dapat abangan ng manonood. May pagkakontrabida at maldita rin daw ang peg ng role niya sa serye.

Sesentro ang kuwento ng Ikaw Lang Ang Iibigin sa mundo ng mga triathletes, kung paano sila nagte-training at kung paano nila isinasakripisyo ang mahahalagang tao at bagay sa kanilang buhay para lang maabot ang kanilang mga pangarap. Lilipad din daw ang mga bida ng serye patungong Thailand para doon mag-training ng triathlon.

Sa announcement-presscon na ibinigay ng Dreamscape sa cast members ng Ikaw Lang Ang Iibigin, sinabi ni Coleen na very excited siya na makasma uli si Jake sa isang proyekto na huli niyang nakatrabaho noon sa Pasion de Amor, pero aniya, mas triple ang excitement na napi-feel niya dahil ito ang unang pagkakataon na makakasama niya sa serye sina Kim at Gerald.

Ang Ikaw Lang Ang Iibigin ay mula sa direksiyon ni Dan Villegas kung saan makakasama rin sina Bing Loyzaga, Helen Gamboa, Nicco Manalo at marami pang iba. Magsisimula nang mag-taping ang production at buong cast ngayong Miyerkules.

Going back to Coleen, bukod nga sa Ikaw Lang Ang Iibigin, ginagawa na rin ngayon ng girlfriend ni Billy Crawford ang pelikulang pagsasamahan nila ng rumored boyfriend ni Kim na si Xian Lim na ididirek naman ni Jason Paul Laxamana.

Sey ni Coleen tungkol kay Xian, “I’ve worked with him before but in hosting projects. I haven’t worked with him acting-wise. He is perfect for the role. Abangan niyo ibang Xian ito.”

And as expected, walang problema kay Billy kung mag-pa-sexy na naman si Coleen sa kanyang bagong projects, all out pa rin daw ang support ng TV host-comedian sa kanyang dyowa.

“Bakit may approval ba ako? Ha-hahaha! Hindi, honestly, basta kung saan siya masaya I’m very supportive with every role she takes and I’m here for her and I’m here also for Xian. Ha-hahaha!” chika ni Billy sa isang panayam.

Sey pa ng TV host, open din daw sila ni Coleen na magsama sa isang project dahil tiyak daw na ikatutuwa ito ng kanilang mga tagasuporta.