IBABALIK nga ba ng Eat Bulaga Kalyeserye ng AlDub? Yan ang pinag-uusapan ngayon matapos ngang pahaging si Wally Bayola sa isang social media post na ngayong Sabado bubulaga muli ang loveteam nina Alden Richards at Maine Mendoza.
Siyempre, hindi pa man ay nagbubunyi na ang AlDub Nation, huh! Miss na miss na nila talaga ang kanilang mga idolo. Ang loveteam din kasi nina Alden at Maine ang bumago sa landscape ng noontime shows.
Matatandaang nagtapos ang Kalyeserye sa pagsagot ni Maine sa Pambansang Bae ng, “I love you, Alden!” Since then, panay na ang shoutout ng kanilang fans na ituloy na ang Book 2 ng Kalyeserye.
Wala pa namang kumpirmasyon ang nasagap naming magiging takbo ng Kalyeserye Book 2. Ang dinig namin, mamamanhikan na si Alden sa tatlong lola (Wally, Paolo Ballesteros at Jose Manalo) and then, mauuwi na ito sa bonggang kasalan. After that, wala na kaming iba pang karugtong ng kuwento.
Espesyal na espesyal ang episode na ito ng KS, huh! Kahit paano ay maiibsan na ang pagkauhaw ng AlDub Nation na makitang muling naglalambingan sina Alden at Maine.
Wait na lang tayong lahat kung ano ang mga bagong eksena sa pagbulaga muli nina Alden at Maine sa Kalyeserye at garantisadong maliligayahan lahat ng Dabarkads!