Meralco
Bumaba ng P0.1216 kada kilo Watt hour ang presyo ng kuryente ng Manila Electric Company ngayong buwan.
Ayon sa Meralco bumaba ang halaga ng paggawa at distribusyon ng kuryente.
Bumaba ng P0.0501 kada kWh ang generation charge, P0.0558 kada kWh ang transmission charge, P0.0012 kada kWh ang buwis at P0.0145 ang iba pang bayarin.
Hindi naman nagbago ang binabayaran sa serbisyo ng Meralco.
Mababawasan ng P24.33 ang babayaran ng isang pamilya na kumokonsumo ng 200 kWh kada buwan. Ang gumagamit ng 300 kWh ay baba ng P36.49, P48.5 ang gumagamit ng 400 kWh at P60.82 ang 500 kWh.
Ito na ang ikatlong sunod na buwan na bumaba ang singil ng Meralco.
MOST READ
LATEST STORIES