GRABE ang inabot na pamba-bash sa sexy star na si Krista Miller matapos itong maaresto sa isang drug-bust operation nitong nagdaang weekend sa Quezon City.
Ilan sa mga bumatikos kay Krista ay pinaniniwalaang mga fans ni Sunshine Cruz. Kung matatandaan si Krista ang itinuturong dahilan kung bakit naghiwalay sina Sunshine at Cesar Montano. May tumawag pa ngang “kabit” at “anaconda” kay Krista.
Sa Instagram account ni Sunshine may mga nag-post ng maaanghang na komento tungkol sa pagkakasangkot sa ilegal na droga ni Krista. Dapat lang daw itong makulong dahil ito rin ang sumira sa pamilya ni Sunshine.
Ngunit ayon kay Sunshine, hindi raw ipinagdiriwang kung may masamang nangyari sa isang tao. Aniya sa kanyang post, “Hindi po ako natatawa o matutuwa sa misfortune ng iba.”
Dahil dito, isa sa kanyang IG follower ang nag-sorry sa nagatibo niyang comment about Krista. Reply naman ni Sunshine, “It’s ok and understandable naman kaya lang I heard may anak na sya.
“Syempre kawawa dyan yung anak nya saka mag 4 years na akong hiwalay. I’m in a better place now. Good afternoon.”
Habang sinusulat namin ang artikulong ito, ay wala pang ibinibigay na pahayag si Cesar tungkol sa pagkaaresto kay Krista na na-link sa kanya noon.