PAOLO BALLESTEROS
TRULILI kaya na pinoproblema ngayon ni Paolo Ballesteros kung makakadalo siya sa gaganaping Tokyo International Film Festival na magsisimula sa Okt. 25 hanggang Nob. 3, 2016 kung saan kalahok ang pelikula niyang “Die Beautiful” na idinirek ni Jun Lana produced by Asian Future Film.
Baka raw kasi hindi payagan si Paolo ng Eat Bulaga management na mawala siya ng ilang araw dahil nga kababalik lang niya sa programa.
Oo nga naman, baka magkaproblema na naman si Pao kapag nawala siya ng ilang araw sa EB.
Plano kasing umalis ng team “Die Beautiful” sa Oct. 24 at hindi nga sigurado kung makakasama ang bida ng pelikula.
First time ma-experience ni Paolo na mapasama ang pelikulang kasama siya sa isang isang international film festival at gusto rin niyang maglakad sa red carpet.
Plano raw ng team “Die Beautiful” na manatili sila ng apat na araw sa Japan hanggang sa awards night.
Duda rin namin na baka kaya ayaw payagan ng Eat Bulaga si Paolo na magbakasyon uli ay dahil tuhog din ang trabaho niya ngayon, pagkatapos kasi ng Eat Bulaga ay diretso naman siya sa shooting ng pelikula ni Vic Sotto na “Enteng Kabisote 10” na posibleng maging entry sa 2016 MMFF.
Anyway, in case na manalo si Paolo sa Tokyo International Film Festival ay puwede namang si IC Mendoza ang tumanggap ng tropeo niya. Dadalo raw si IC sa nasabing event kasama ang iba pang artista at staff ng pelikula.