Sa morning show ni Kris Aquino na Kris TV kahapon, sinabi ni Janine na may pinagdaraanan sila ngayon ng kanyang BF na kasama pa rin niyang nag-guest sa Kris TV kahit na hiwalay na sila.
Tinanong kasi ni Kris si Janine habang nagluluto ito ng tinola katabi si Jaypee kung nag-aaway ba silang dalawa.
“Actually, honestly ngayon, we are not in good terms,” sagot ng beauty queen.
Na-shock si Kris sabay tanong kung ano ang nangyari.
Si Jaypee ang sumagot, “May mga hindi lang napagkakasunduan.” Sey naman ni Janine, “Siguro may nangyari lang na hindi ko ini-expect na mangyayari.”Sumunod na tanong ni Kris kay Janine kung may kinalaman ba ang lead vocalist ng The Script na si Danny O’Donoghue sa away nila dahil balita ngang nililigawan siya ng singer.”Hindi ko ‘yon type!
Parang we’re talking lang,” sagot ni Janine.
Pero sumagot si Jaypee na ito nga raw ang isa sa mga pinag-awayan nila.
Depensa naman ni Janine, “Pero ano naman ‘yan… spur of the moment lang.
Pero honestly po kasi, break talaga kami ngayon.”
Kuwento pa ni Janine, “Nanood kami ng concert.
Kasi, di ba, sa Araneta may meet and greet?
Since kilala ko ang staff ng Araneta, sabi ko sa kanila, ‘Sobra akong fan ng The Script, puwede bang ma-meet ko?’ ‘Tapos na-meet niya ako.
Nandoon siya (Jaypee). Ipinakilala ko nga siya kasi tinanong niya (Danny), ‘Do you have a boyfriend?’ Sabi ko, ‘Yeah, that’s my boyfriend.’
“Tapos ‘yon, sabi niya, ‘Follow me on Twitter and I will follow you back.’ Tapos nag-direct message siya.
Oo, talagang (nagalit) siya kasi sabi niya, ‘Kung ayaw mo talaga sa taong ‘yan, hindi mo siya kokontakin.’”
Ayon pa sa beauty queen siya raw ang nakipaghiwalay kay Jaypee, “Kasi nga ayaw ko naman na may iba akong iniisip.
Parang sabi ko lang sa kanya, siguro I need sometime to think talaga.”