HILING ng Kapamilya singers na sina Klarisse de Guzman, JK Labajo at Jason Dy na mapanood nina Sarah Geronimo at Bamboo ang kanilang pagsasanib-pwersa sa isang bonggang concert.
Titled “One Voice”, magsasama-sama nga sa concert na ito ang tatlong produkto ng The Voice of the Philippines sa Oct. 1 sa Music Museum.
Sa presscon ng “One Voice” na ginanap sa Jet 7 Bistro last Tuesday, sinabi nina JK, Klarisse at Jason na dream come true para sa kanila ang proyektong ito.
Siguradong mas mapapanganga raw ang audience sa ipakikitang performance ni The Voice first season finalist na si Klarisse. Mula nang maging first runner-up sa nasabing talent search ay malayo na ang narating ng dalaga.
Promise ni Klarisse, “Siyempre asahan nila na iba ‘yung ibibigay naming surprises ngayon. Abangan nila ‘yung mga songs na kakantahin namin. Actually, kahit kami, napaisip kung paano naming babaliin pero I know paghahandaan po namin para sa kanilang lahat.”
Graduate naman ng The Voice Kids si Juan Karlos noong 2014 na napasama pa sa top 3. Ang kanyang kaguwapuhan at kakayahang umarte ang naging daan para mabigyan ng TV appearances sa ilang teleserye ng ABS-CBN tulad ng Hawak Kamay at Pangako Sa ‘Yo.
Pinatunayan naman ni Jason ang kanyang singing prowess nang magwagi sa second season ng TVP. Hinahangaan kay Jason ang kanyang magandang pag-falsetto at emosyon sa kanyang performances.
Nang matanong kung may partikular na tao silang nais imbitahin para mapanood ang mga pasabog nila sa concert, pakorus na binanggit nina Jason at Klarisse ang pangalan ng coach nila sa The Voice na si Sarah G., habang si Bamboo naman ang sagot ni JK.
Sey ni Jason, “Kasi parang gusto kong makita ‘yung naging fruit of her labors. ‘Yung parang ‘yung pinaghirapan niyang pagmementor sa amin sa The Voice.”
“Gusto ko hong makita ni coach Bamboo po, actually sila ho, ‘yung ano po ‘yung improvement,” sabi naman ni JK.
“One Voice” is produced by Hills & Dreams with Marvin Querido as musical director and Frank Lloyd Mamaril as overall director.
Ang “One Voice” ay handog din ng Jet 7 Bistro, Fernando’s Bakery, Lancer’s Hardware, Garage P., FLM Creatives & Productions at 10 Inch Lights & Sounds, sa pakikipagtulungan ng Silka, Circulan, Montosco, at Happy Scrub.
For ticket inquiries, bisitahin ang Ticketworld outlets o tumawag sa 8919999.