SINABI ng isang umaming dating miyembro ng Davao Death Squad (DDS) na adik din ang anak ni Pangulong Rodrigo Duterte na si Davao City Vice Mayor Paolo Duterte.
“Sa pagkakaalam ko lang … parang gumagamit yan ng drugs, itong si Paolo Duterte. Matagal na yun bata pa,” sabi ni Edgar Matobato, matapos iprisinta ni Sen. Leila de Lima sa pagdinig ng Senado.
Idinagdag ni Matobato na alam niya ang pagiging adik ng batang Duterte dahil dati siyang bahagi ng kanyang security group.
“Sa pagkakakilala mo, since nandun ka sa loob ng pamilya, si Paolo Duterte ay isang addict. ‘Yun ba nag sinasabi nyo?” tanong ni Sen. Antonio Trillanes kay Matobato.
“Opo, gumagamit s’ya pero hind yan nagtutulak,” sagot ni Matobato kay Trillanes.
Sinabi pa ni Matobato na shabu ang ginagamit umano ng vice mayor.
“Nagsha-shabu si Paolo Duterte na anak noong ating President na talagang masigasig sa war against drugs,” sabi ni Trillanes. “Unfortunately, yung ibang mga addict ay pinapatay kaagad pero si Paolo D, vice mayor ngayon ng Davao City.”
Sinabi pa ni Matobato na nag-utos din si Paolo na patayin ang mga kaaway habang nasa impluwensiya umano ng droga.
“Umuutos, pumapatay ng tao si Paolo Duterte. Parang sadista na rin sila. Marami na iniutos na pinapatay. Ganyan ‘yan parang sabog,” aniya.