“NEWBIE, but she can definitely deliver.”
Iyan ang isa sa mga komento ng netizens sa isa sa pinakamabigat na eksena ni Sanya Lopez sa fantaseryeng Encantadia ng GMA.
Ipinalabas kasi ang emotional scene niya na nagmamakaawang huwag palayasin sa mundo ng Encantadia at dalhin sa mundo ng mga tao.
Dahil kasi sa panlilinlang na ginawa ni Pirena bilang Danaya, pinagbintangan siya ng mga magsasaka pati na rin ni Muros na sinugod daw sila ni Danaya kamakailan.
At pagkatapos nga ng mga eksenang ito, sari-saring komento ang mga ipinost ng loyal Encantadiks sa social media. Ayon sa isang netizen, ginulat sila ng baguhang Kapuso actress sa pagiging natural nito sa pag-arte at talaga namang may ibubuga pagdating sa mga drama scenes.
Samantala, ano na kaya ang mangyayari kay Amihan (Kylie Padilla) ngayon na mag-isa na lang siya sa Lireo? Magpatuloy kaya ang panlilinlang sa kanya ni Pirena (Glaiza de Castro) o matulungan siya ni “Lira” (Kate Valdez) upang malaman ang katotohanan?
Ngayong gabi, magtutungo sa kuwarto ng mga armas si Pirena, at gamit ang brilyante ng tubig ay inutos niya na maging marupok ang mga sandata hangga’t di siya nauupong reyna ng Lireo.
Makakatagpo niya dito si Asval (Neil Ryan Sese), magkakatapatan sila. Nais makisanib ni Asval kay Pirena, pumayag ang Sang’gre. Paglisan ni Asval, at habang tinutuloy ni Pirena ang kayang utos sa brilyante, ay darating si Aquil (Rocco Nacino) at tinatanong kung anong ginagawa niya doon.
Babalik na si ”Lira”/Mira sa Lireo para kumpirmahin kay Pirena ang binabalak nito, ngunit tatambad sa kanya si Gurna (Vaness del Moral). Pagbubulaanan ni Gurna ang hinuha ni Mira mula kay Cassiopea (Solenn Heussaff), pinayo na lamang ni Gurna na huwag na makialam.
Hindi makakapayag si Mira na mangyari ang napanaginipan ni Cassiopea. Saka darating si Amihan at maitatanong kay Mira kung ano ang nalaman nito kay Mata. Kabado si Gurna, hindi alam ni Mira kung ano ang sasabihin.
Hindi sasabihin ni Mira ang totoo kay Amihan, kaya mawawala ang pag-aalala ni Amihan at lilisan lang muna. Pero uutusan pa rin ni Mira si Gurna na dalhin siya kay Pirena para makausap.
Idinahilan ni Pirena kay Aquil na inoobserbahan lamang niya ang mga armas kung ito ay nakahanda na. Mukhang naniniwala si Aquil pero may halong duda.
Yan at iba pang maaaksiyong eksang dapat n’yong abangan sa mga susunod na episode ng Encantadia.